E tregon Kurti se kur do të largohet taksa 100 %

Kurti thotë se taksa 100% do të largohet sapo të ketë reciprocitet

Kryeministri i vendit, Albin Kurti, ka përsëritur se tarifa 100% e vendosur për mallrat e Serbisë do të zëvendësohet me parimin e reciprocitetit.

Nëpërmjet një statusi në Facebook, Kurti ka thënë se pret edhe që Serbia të deklarohet se ka vullnet për ndaljen e fushatës për çnjohjet e pavarësisë së Kosovës.

Ky është postimi i tij i plotë :

Tarifa 100% ndaj mallrave të Serbisë do të zëvendësohet me parimin e reciprocitetit. Tarifa 100% hiqet porsa të vendoset reciprociteti. Shumë shpejt fillojmë t’i përgatisim Doganat e Kosovës për këtë. Si Kryeministër i Republikës së Kosovës e kam shprehur vullnetin që ta heqim tarifën 100%. Pres që Serbia të deklarohet se ka vullnet për ndaljen e fushatës për çnjohjet e pavarësisë së Kosovës.

---