Rasti i pestë me koronavirus në Greqi

Greqia ka konfirmuar rastin e pestë me koronavirus. Pacientja është një mësuese që jeton në Selanik.

Deri më tani ka pasur katër raste, dy në Athinë dhe dy në Selanik.

Rasti i parë në Greqi ishte ai i 38-vjeçares në Selanik dhe i dyti i djalit të saj 9-vjeçar.

Rasti i tretë ishte i vendosur në Athinë. Ishte 40-vjeçari nga Marousi që ishte shtruar në spital në Atticon. Ndërsa rasti i katër është një 36-vjeçar, i cili u shtrua në spital në të njëjtin spital ku ishte edhe rasti i tretë.

Personat të gjetur pozitivë për infeksionin e ri koronavirus vazhdojnë të trajtohen në Athinë dhe Selanik dhe janë në gjendje të mirë, shkruan lajmi.net, përcjell albinfo.ch.

---