Facebook merr vendim të rëndësishëm, shkaku i koronavirusit

Ilustrim

Facebook ka anuluar konferencën vjetore F8 të zhvilluesve, ngjarjen më të madhe të tij të vitit, për shkak të shqetësimeve rreth përhapjes së koronavirusit.

Ngjarja ishte planifikuar të mbahet më 5 dhe 6 maj në Qendrën e Konventave “McEnery” në San Jose, Kaliforni, shkruan Indeksonli.

Përvec kësaj, Facebook do të anulojë edhe pjesëmarrjen në ngjarjet e tjera, si Kongresi Botëror i Celularëve.

Drejtori i programeve dhe platformave zhvilluese në Facebook, Konstantinos Papamiltiadis, ka thënë se ky ishte një vendim i vështirë që duhej marrë, pasi që F8 është një ngjarje shumë e rëndësishme për Facebook-un, por shëndeti është prioriteti ynë, përcjell Albinfo.ch.