Ç’i ndodhi një kinezi vetëm 10 minuta pasi kaloi testin e vozitjes

Një burri në Kinë i janë dashur vetëm 10 minuta pasi kaloi testin e vozitjes që me veturën e re që e bleu të përfundojë në ujë.

I gëzuar se kishte kaluar me sukses testin e vozitjes, Zhang kishte vendosur ta bëjë një xhiro me veturën e tij të re – por një veprim i tillë i kushtoi shtrenjtë.

Derisa po shikonte në telefon, u shpërqendrua dhe humbi kontrollin mbi timonin, duke rënë nga ura në ujë, transmeton Telegrafi.

E pas publikimit të pamjeve, shumë komentues kanë kritikuar kinezin, të cilin e quajtën me fat, pasi dikush tjetër mund ta pësonte me jetë dhe e gjitha kjo u bë falë neglizhencës dhe dëshirës së madhe për t’i kontrolluar mesazhet në telefon derisa ishte duke ngarë makinën.

Për fat të mirë burri arriti të dalë me shpejtësi nga vetura, ndërsa ekipet e shpëtimit kanë arritur ta nxjerrin me vinç veturën që pothuajse ishte zhytur e tëra në ujë.