Koronavirusi nuk e ndal Arbër Zenelin

Arbër Zenelin nuk mund ta ndalë askush. Futbollisti kosovar po vazhdon të ushtrojë individualisht, edhe pse futbolli evropian është “paralizuar” shkaku i koronavirusit.

Arbër Zeneli duket më i vendosur se kurrë për t’u rikthyer në formën e dikurshme, shkruan Gazeta Express.

Futbollisti kosovar po vazhdon të ushtrojë individualisht, edhe pse futbolli evropian është “paralizuar” shkaku i koronavirusit.

Ligat kryesore evropiane janë pezulluar, ndërsa ka pak prej tyre që po luajnë pa praninë e shikuesve.

Sidoqoftë, përfaqësuesi kosovar e ka postuar një fotografi në Instastory, ku shihet pasi t’i ketë përfunduar ushtrimet.

“Ushtrimet u kryen”, ka shkruar Zeneli, i cili u rikthye së fundmi nga lëndimi i rëndë duke i zhvilluar disa minuta me ekipin e tij, Reims.

Ai synon të jetë i gatshëm për Përfaqësuesen e Kosovës për ndeshjen e 26 marsit ndaj Maqedonisë së Veriut në Shkup, në rast se UEFA nuk e anulon eventualisht këtë ndeshje nesër. 

---