Në Zvicër, 19 të vdekur dhe 2650 të infektuar nga Koronavirusi

Por agjencia e lajmeve Keystone-SDA, nga 5 marsi kur është paraqitur vdekja e parë nga koronavirusi, ka numëruar 25 viktima!

Në Zvicër dhe në Principatën e Lihtenshtajnit deri më tani janë testuar 2650 veta si të infektuar me koronavirus. Këtë numër e ka publikuar sot Zyra Federale e Shëndetit Publik (BAG).

Ndërkaq numri i të vdekurve nga pandemia e koronavirusit është ngjitur në 19. Kështu thotë BAG, duke shtuar se “shifrat mund të variojnë, mbi bazë të të dhënave nga kantonet”, transmeton albinfo.ch. Por agjencia e lajmeve Keystone-SDA, nga 5 marsi kur është paraqitur vdekja e parë nga koronavirusi, ka numëruar 25 viktima!

Sipas rekomandimit të udhëheqësit për sëmundjet ngjitëse në kuadrin e BAG, Daniel Koch, njerëzit tani duhet të qëndrojnë në shtëpitë e tyre dhe të shmangin kontaktet sociale, përcjell albinfo.ch. Ai thotë se e gjithë popullata e vendit ka përgjegjësi për të zbatuar masat e ndërmarra nga shteti dhe të jetë bartëse e tyre.

BAG ka publikuar një broshurë në të cilën prezantohen masat e ashpërsuara dhe e cila përmban përgjigjet për pyetjet më të rëndësishme sa i takon sjelljes në raport me koronavirusin

 

 

---