Mjeku shqiptar nga Berlini: 90 për qind e pacientëve e kalojnë COVID-19 pa trajtim spitalor

“Rreth 90% e të prekurve nuk kanë pasur nevojë fare të marrin mjekim spitalor, sepse simptomat dhe zhvillimi i semundjes ka qenë i lehtë”

Kardiologu shqiptar në Berlin, Fahri Beqa, i cili prej 12 vjetësh shërben në sistemin shëndetësor gjerman, përcjell informacione rreth masave të marra nga Gjermania për parandalimin e Covid-19. Beqa, teksa jep disa këshilla shëndetësore, u bën thirrje qytetarëve të ruajnë qetësinë.

Fahri Beqa, mjek internist dhe kardiolog, ka treguar se deri dje në Gjermani ishin diagnostikuar shumë raste me koronavirus. Prej tyre kanë vdekur vetëm të moshuar dhe që kanë pasur edhe probleme të tjera shëndetësore. Ndërkohë që shumë pacientë janë shëruar.

Po ashtu, eksperti i shëndetësisë publike, Fahri Beqa, ka thënë se shumica e pacientëve në Gjermani s’kanë pasur nevojë për mjekim spitalor pasi COVID-19 ka qenë i lehtë.

“Rreth 90% e të prekurve nuk kanë pasur nevojë fare të marrin mjekim spitalor, sepse simptomat dhe zhvillimi i sëmundjes ka qenë i lehtë”, ka shkruar Beqa.

Megjithëkëtë, mjeku kosovar ka shkruar se bazuar në të dhënat statistikore në Gjermani do të preken deri në 70 për qind e popullësisë.

“Tashmë parashikohet që 60-70% e popullsisë së Gjermanisë do të preken nga ky virus (sipas ekspertëve të Virologjisë). /Albinfo.ch

https://www.facebook.com/fahri.beqa/posts/10158365014749824

https://www.facebook.com/fahri.beqa/posts/10158377449544824?__tn__=K-R

---