Rregullore e re: Dyqanet në Austri, të hapura vetëm deri në orën 19.00

Të gjitha dyqanet që kanë të drejtë të punojnë do të jenë të hapura vetëm deri në orën 19.00 të mbrëmjes

Të enjten në mbrëmje, Dhoma e Tregtisë dhe Sindikata për të Drejtat Sociale në Austri njoftuan masat e reja mbrojtëse ndaj pandemisë së koronavirusit, shkruajnë mediat austriake.

Të gjitha dyqanet që kanë të drejtë të punojnë do të jenë të hapura vetëm deri në orën 19.00 të mbrëmjes, transmeton albinfo.ch. Grupet e rrezikuara dhe gratë shtatzëna (që punojnë në dyqane) nuk duhet të kenë më kontakte me klientët.

Punëtorët e dyqaneve gjatë orarit të punës duhet të jenë të pajisur me maska, dorëza dhe mbrojtëse në formë xhami para arkës së pagesave.

---