Ndeshja e futbollit, “shkaktare” e përhapjes së virusit në Bergamo

Janë ngritur shumë dyshime në Itali se ndeshja Atalanta-Valencia ka ndihmuar në përhapjen e virusit në Bergamo

Atalanta ka arritur sukses historik, duke u kualifikuar në tetë skuadrat më të mira të Evropës. Por suksesi i tyre është një histori, sepse qyteti është kapluar nga koronavirusi, përcjell albinfo.ch.

Bergamo është i gjunjëzuar prej koronavirusit dhe qyteti lombard kaloi në pak ditë nga gëzimi i madh për kualfikimin e Atalantës në Ligën e Kampionëve, në qendrën më të goditur nga Covid-19.

Mes shumë shkaqeve, mendohet se ka qenë edhe ndeshja Atalanta-Valencia, temë që u prek më parë dhe nga shefi i pneomologjisë në spitalin “Papa Gjon XXII” të Bergamos.

“Fakti që luajtëm atë ndeshje ishte e tmerrshme. Në atë kohë kishte shumë pak raste dhe askush nuk e kishte idenë se çfarë të bënte realisht ky virus. Nuk e kuptonim siç duhet infektimin. Mendoj se situata dramatike e Bergamos lidhet me ndeshjen Atalanta-Valencia. Bergamo është një qytet me 120 mijë banorë, por në Milano udhëtun 45 mijë tifozë. Gruas sime iu deshën tre orë për të arritur Milanon, kur zakonisht nuk duhen më shumë sesa 40 minuta. Kur shkuam në Valencia, ata ishin të qetë dhe nuk kishte kontrolle, sot janë vendi i dytë më i prekur. Kjo është e tmerrshme”.

---