Rrezikojnë shëndetin për të pritur në radhë

Një foto në rrjete sociale ka bërë bujë, ku shihen shumë qytetarë duke pritur në radhë

Në Pejë është bërë një fotografi, ku shihen një numër i madh i njerëzve, duke pritur në radhë.

Ata rrezikonin edhe shëndetin e tyre për shkak të përhapjes së virusit korona.

Fotografia tregon se janë shumë afër njëri tjetrit, kurse vendimi i Qeverisë së Kosovës, por edhe shumë vendeve tjera është që njerëzit të qëndrojnë 1-2 metra në distancë, përcjell albinfo.ch.

Tashmë në Kosovë ka hyrë në fuqi edhe vendimi që kufizon lëvizjen. Qytetarët mund të lëvizin deri në ora 10:00 dhe nga 16:00 deri në ora 20:00.

Edhe ata që marrin ndihma sociale presin në radhë

Qytetarët kanë krijuar radhë të gjata ditën e sotme në qytetet e ndryshme të Kosovës, në pritje për të marrë ndihmat sociale. Edhe pse këshillohet që të mbahet distancë për shkak të situatës me përhapjen e pandemisë së koronavirusit, kjo gjë sot nuk ka ndodhur. Për të përballuar sa më lehtë situatën e krijuar në Kosovë, Qeveria e Kosovës ka vendosur që të ekzekutojë ndihmat sociale për dy muaj.

https://www.facebook.com/groups/533773780042518/permalink/2797170150369525/

---