Zvicër, nxënësit e mërgimtarve vazhdojnë mësimin online

Gresa, Gentonis, Aurela dhe Andi Shala gjatë një orë mësimore në gjuhën shqipe Kjo është java e katërt, ku të gjithë nxënësit e shkollave fillore në Zvicër, ashtu si bashkëmoshatarët e tyre në shumë vende të botës, qëndrojnë në shtëpi dhe mundohen nëpërmjet mënyrave të ndryshme elektronike, të jenë sa më afër orëve mësimore, të cilat i ofrojnë mësuesit e tyre, përcjell albinfo.ch.

Është bërë java e katërt, ku të gjithë nxënësit e shkollave fillore në Zvicër, ashtu si bashkëmoshatarët e tyre në  shumë vende të botës, qëndrojnë në shtëpi dhe mundohen nëpërmjet mënyrave të ndryshme elektronike, të jenë sa më afër orëve mësimore, të cilat i ofrojnë mësuesit e tyre. Po të njëjtin rrugëtim e bëjnë edhe kolegët e shkollave shqipe në Zvicër, me mësimin në gjuhën shqipe.

Nxënësit e shkollave shqipe krahas mësimeve në gjuhën e vendit ata vazhdojnë edhe me mësimet në gjuhën shqipe. Këto javë dhe ato që vijnë në vazhdim janë padyshim me interes për mënyrën dhe format e punës, komunikimin me nxënësit dhe prindërit si urë lidhëse, për t’ia arritur qëllimit. Fillimi ynë në këtë fushë të organizimit të mësimit shoqërohej me shqetësimet e veta, pro me kalimin e kohës, vërejtëm se bëmë mirë që ia filluan, që nga java e parë me mësimin e këtillë.

Duke qenë në kontakt të vazhdueshëm me nxënësit dhe me prindërit, dita për ne mësuesit kalonte shumë shpejt, sa që shpeshherë harronim izolimin në shtëpi, harronim kohën e lajmeve, sepse detyrat e nxënësve kërkonim verifikimin e tyre. Kopje, fleta të plotësuara, lexime të regjistruara dhe të dërguara nëpërmjet videos, e-maile me përgjigjet e nxënësve, mesazhe të prindërve, poezi të recituara, çaste nga leximi i përrallave etj, shkruan gazeta diasporashqiptare. /Albinfo.ch.