100 ditë me koronavirus, ngjarjet kryesore

Më 31 dhjetor të vitit 2019, saktësisht 100 ditë më pare, Qeveria kineze ka raportuar te Organizata Botërore e Shëndetësisë për një “pneumoni me shkaktar të panjohur”

Kjo sëmundje më vonë është quajtur Covid-19. Fillimisht është vërejtur në Wuhan të Kinës dhe që atëherë ka infektuar më shumë se 1.5 milionë persona, 90,000 prej të cilëve kanë vdekur.

Udhëheqësi i OBSH-së, Tedros Adhanom Ghebreyesus, ka përmendur 100-ditëshin e sëmundjes në një konferencë për media, transmeton TCH.

Ai ka thënë se Covid-19 ka “rënduar sistemet shëndetësore, ka dëmtuar ekonominë globale dhe ka krijuar pengesa të mëdha shoqërore’, përcjell albinfo.ch.

Çfarë ka ndodhur në 100 ditët e fundit?

31 dhjetor 2019: Kina informon OBSH-në për “raste me pneumoni me shkaktar të panjohur” të vërejtur në Wuhan

11 janar: Kina raporton vdekjen e parë nga sëmundja Covid-19

12 janar: Kina shpërndan publikisht gjenin e sëmundjes

13 janar: Raportohet për rastin e parë të infektuar janë Kinës, në Tajlandë.

23 janar: Merret vendim për izolim të Wuhanit, qytet me 11 milionë banorë

30 janar: OBSH-ja shpall “gjendje emergjente për shëndetin publik me shqetësim ndërkombëtar”

7 shkurt: Vdes mjeku kinez, Li Wenliang, që ka tentuar të paralajmërojë botën për sëmundjen.

22 shkurt: Italia raporton rastet e para të vdekjes me koronavirus dhe prezanton masat e distancimit fizik

11 mars: OBSH-ja shpall koronavirusin pandemi globale

27 mars: Kryeministri britanik, Boris Johnson rezulton pozitiv me koronavirus, njëherësh kthehet në liderin e parë botëror të infektuar me këtë sëmundje.

---