Pranvera, a do ta reduktojë përhapjen e koronavirusit?

Deri tani është vërejtur se virusi ka pasur një qëndrueshmëri më të lartë, duke iu falënderuar temperaturave dhe ajrit të ftohtë.

Është bërë e ditur se shumë mjekë, shkencëtarë dhe liderë politikë kanë dhënë deklarata se koronavirusi dhe përhapja e tij do të zbutet me ardhjen e pranverës, transmeton albinfo.ch.

Sipas mjekëve të specializuar, rrezet e diellit ndikojnë në zbutjen e simptomave të koronavirusit dhe se ndikojnë dhe ndihmojnë në zhdukjen e këtij virusi dhe besohet ky virus do të reduktohet së përhapuri me fillimin e pranverës.

Po ashtu, një deklaratë të tillë e ka bërë edhe sekretari e shëndetësisë në Britaninë e Madhe, Matt Hancock, dhe duke shpresuar që pranvera dhe ngritja e temperaturave do të ndikojnë në zbehjen e aftësive të virusit për të mbijetuar dhe për t’u shpërndarë.

Deri tani është vërejtur se virusi ka pasur një qëndrueshmëri më të lartë, duke iu falënderuar temperaturave të ftohta dhe ajrit të ftohtë.

Një arsye tjetër e kësaj përhapjeje masive të virusit është se sistemi imunitar është gjithashtu më i dobët gjatë dimrit, ndërkaq forcohet në pranverë.

Gjithsesi, sipas ekspertëve, në vend të pritjes të ngritjes së temperaturave dhe krijimit të kushteve të duhura atmosferike, që do të pamundësonin përhapjen e virusit – njerëzit duhet të kujdesen për veten dhe t’i shtojnë masat parandaluese dhe mbrojtëse ndaj këtij virusi. /Albinfo.ch

---