Maqedoni e Veriut: 107 raste të reja me koronavirus brenda 24 orëve

KEYSTONE/EPA/ANDRZEJ GRYGIEL POLAND OUT

Në Maqedoninë e Veriut vetëm gjatë 24 orëve të fundit janë shënuar plotë 107 raste të reja me koronavirus, duke arritur kështu numrin më të lartë të infektuarve brenda një dite. Po ashtu është raportuar edhe për një vdekje tjetër, brenda kësaj përiudhe kohore.

Mbi 40 persona janë infektuar vetëm në Kumanovë, përfshirë edhe kryetarin e kësaj komune Maksim Dimitrievski.

Me të infektuarit e sotëm numri i përgjithshëm i të prekurve nga Covid-19 ka shkuar në 1081. Personi i vetëm që ka ndërruar jetë sot është nga qyteti i Strugës dhe numri i përgjithshëm i viktimave shkon në 46.

Ndërsa numri i testimeve ka qenë rekord, plot 660 ku dhe 107 kanë rezultuar pozitiv. Të shëruarit janë 121 persona, shkruan Alsat M, përcjell Albinfo.ch