Arabia Saudite kërkon nga myslimanët të mos mblidhen për lutje gjatë muajit të Ramazanit

Kur kanë mbetur më pak se një javë nga fillimi i muajit të Ramazanit, tashmë vendet myslimane si Arabia Saudite iu kanë bërë thirrje besimtarëve islam që të mos mblidhen për lutje gjatë kësaj përiudhe të pandemisë së koronavirusit.

Këshilli i Lartë i Dijetarëve tha që myslimanët duhet “të shmangin tubimet sepse ato janë shkaku kryesor i përhapjes së infeksionit”, raporton Agjencia Saudite e Shtypit e cila kontrollohet nga shteti.

Arabia Saudite, me shumicë sunite, ka mbyllur xhamitë e saj, duke përfshirë – Xhaminë e Madhe në Mekë – si pjesë e masave kundër përhapjes së koronavirusit të ri.

Ndërkohë, Udhëheqësi Suprem i Iranit të sunduar nga Shiitët, Ayatollah Khamenei, ka thënë që myslimanëve nuk u kërkohet të agjërojnë gjatë Ramazanit, nëse veprimi i tillë paraqet një kërcënim për shëndetin e tyre, përcjell Albinfo.ch