Paga mesatare mujore në Zvicër, 6538 franga

Termi "median" tregon se gjysma e pagave janë më të larta dhe gjysma më të ulëta se kjo. Ndryshe nga mesatarja, e cila del nga mbledhja e të gjitha pagave dhe pjesëtimi i shumës me numrin e personave që marrin ato paga

Studimi  më i ri i strukturës së pagave i bërë nga  Zyra Federale e Statistikave (BFS) për vitin 2018 tregon tregon se paga mesatare (median) ka qenë 6538 franga në muaj.

*Termi “median” tregon se gjysma e pagave janë më të larta dhe gjysma më të ulëta se kjo. Ndryshe nga mesatarja, e cila del nga mbledhja e të gjitha pagave dhe pjesëtimi i shumës me numrin e personave që marrin ato paga, shkruan albinfo.ch.

Bëhet fjalë për pagën në kushtet e punës me orar të plotë, pra 100%.

Por, numri i pagave më të vogla se 4359 franga në muaj është rritur në ktrahasim me një vit më parë për 7.3%. Nëse në vitin 2016 ishin 329.000 veta që merrnin  një pagë të tillë, në vitin 2018 numri i tyre ka arritur në 353.000, ose 10% të të gjithë të punësuarve.

Pagat më të larta, sipas këtij studimi, janë realizuar në degët si shërbimet financare, në industrinë farmaceutike dhe në teknologjinë informative. Ndërsa më të ulëtat, në gastronomi dhe në shitjen me pakicë.

Gjatë dhjetë viteve të fundit nuk është shënuar ndonjë ndryshim i theksuar në mes të pagave më të ulëta dhe atyre më të larta, konstaton BFS, përcjell albinfo.ch. Nominalisht kemi një rritje prej 0.5% në krahasim me një vit më parë por realisht, një rënie prej 0.4%.

 

 

---