Në Zvicër shënohet një rritje e vogël e numrit të të infektuarve

Numri 228 tregon për një rritje të vogël të shifrës së infeksioneve të reja në krahasim me dje dhe pardje

Gjatë 24 orëve të fundit, në Zvicër dhe Lihtenshtajn, janë infektuar 228 njerëz me virusin e koronës. Kjo shifër tregon për një rritje të vogël të numrit të infeksioneve të reja në krahasim me dje dhe pardje, shkruan srf.ch.

Të kujtojmë, shifra më e ulët e infektimeve qe raportuar të martën, me vetëm 119 sosh, transmeton albinfo.ch. Por, megjithatë, krahasuar me numrat e raportuar javëve të kaluara, kur numri arrinte deri në rreth 1.000, trendi tregon qartë drejtimin  e rënies.

Sipas Zyrës Federale të Shëndetit Publik (BAG), të enjten ka pasur gjithsej 28,496 raste të infektuarish, të konfirmuara nga laboratori. Numri i të vdekurve pasditen e së enjtes ishte 1268, ose 51 vdekje të reja brenda 24 orëve të fundit.

Por, sipas worldometers.info, deri më tani në Zvicër nga koronavirusi kanë vdekur 1538 persona ndërsa nga dje deri më sot, kjo plaztformë numron 29 raste të reja të vdekjes, përcjell albinfo.ch. Po sipas wordometers.info, deri më tani në Zvocër, nga Covid 19 janë shëruar 19.900 persona.

Nga 1216 pacientë të vdekur me të dhëna të plota mjekësore, sipas BAG, 97 për qind vuanin nga të paktën një sëmundje e mëparshme. Tri sëmundjet më të shpeshta ishin presioni i lartë i gjakut, sëmundjet kardiovaskulare dhe diabeti.

---