Pompeo: Kina do të paguajë për pasojat e pandemisë

Sekretari amerikan i Shtetit, Mike Pompeo, ka kritikuar Kinën më parë për trajtimin e saj të koronavirusit, por ditën e sotme ai foli me një gjuhë kërcënuese.

“Kina shkaktoi humbje jetësh dhe tashmë një sfidë të madhe për ekonominë globale dhe atë amerikane, pasi nuk shpërndan informacionin që ata kishin për Covid-19”, tha sekretari i Shtetit.

Pompeo për televizionin Fox deklaroi se Partia Komuniste Kineze do të paguajë një çmim për këtë që bën, sigurisht nga Shtetet e Bashkuara. Më parë, edhe presidenti amerikan, Donald Trump, ka akuzuar Kinën për fshehje të numrit real të viktimave dhe e ka bërë përgjegjës për shpërthimin e pandemisë.

---