A do të hapen në Prishtinë shkollat nga 4 maji?

Kryetari i Prishtinës, Shpend Ahmeti, ka paralajmëruar se shkollat në kryeqytet do të hapen më 4 maj

Ahmeti përmes Twitterit ka shkruar se planifikohet që mësimi në shkolla të fillojë më 4 maj

“Ndryshim i madh në arsim këtë javë në komunën e Prishtinës. Prindërit, mësimdhënësit, menaxheret e drejtoria e arsimit do të jenë shumë më afër mësimit, shkollave dhe suksesit të nxënësve. Planifikojmë të fillojmë më 4 maj”, ka shkruar ai.

Ahmeti po ashtu ka kërkuar që të fillojë edhe zbutja e masave ndaluese.

Masat për frenimin e virusit kanë përfshirë edhe mbylljen e shkollave e deri te ndërprerja e punës në shumë aktivitete ekonomike si dhe kufizimin e lëvizjes që qytetarëve në 90 minuta në ditë.

Data 4 maj është data deri kur, sipas një vendimi të Qeverisë në detyrë të Kosovës, vlejnë masat të cilat kanë hyrë të fuqi më 15 prill, përcjell Albinfo.ch.

Megjithatë, Ahmeti më vonë ka reaguar se e gjitha ishte një keqkuptim. “Për portalet dhe qytetarët: Nuk kam thënë se do rihapen shkollat me 4 maj. Kam thënë ndryshim i madh po vjen për arsimin në Prishtinë me 4 maj. Arsimi, qeverisja e shkollave, komunikimi po dixhitalizohet komplet. Më shumë informata gjatë javës”, ka shkruar ai.

---