Aeroplani privat i Pacollit ateron në Tiranë

Ai pritet që me veturë të niset në Kosovë, derisa ende nuk është e sigurt nëse do të dërgohet në karantinë

Kryetari i Aleancës Kosova e Re, Behgjet Pacolli, ka ateruar në Tiranë me aeroplanin e tij privat.

Në Aeroportin e Prishtinë u njoftua se sot pasdite nuk është paraparë asnjë aterim.

Ndërkohë, sipas mediave kosovare ai ka ateruar në Aeroportin e Tiranës për të vazhduar hyrjen në Kosovë, nëpërmejt pikës kufitare në Morinë, përcjell albinfo.ch. Kujtojmë se Pacolli kishte marrë leje nga Ministria e Infrastrukturës e Kosovës për të ardhur në Kosovë, por Ministria e Shëndetësisë e ka njoftuar se ai duhet t’u nënshtrohet të njëjtave rregullave si të gjithë qytetarët e tjerë.

Kjo ka ngjallur edhe reagime të ndryshe. I fundit ka qenë Isa Mustafa, i cili i ka bërë thirrje Ministrisë së Shëndetsisë të mos e maltretojnë Pacollin, pasi Ministria s’mund të marrë vendime të tilla pa e parë dokumentacionin e tij për gjendjen e tij shëndetësore, të cilin vlerësim nuk e bëjnë zyrtarët e ministrisë, por ekipet e mjekëve.

 

---