Gjoba të ashpra për ata që regjistrohen në “Kurzarbeit” e gjenden duke punuar

Për shkak të disa indikacioneve të abuzimit me subvencionet që qeveria austriake i ka dhënë për punonjësit në “Kurzarbeit”(Punë me kohë të shkurtuar), policia financiare ka kontrolluar mbi 600 kompani.

Kur u dha urdhri se shumë kompani duhet të mbyllen apo të zvogëlojnë stafin e tyre për shkak të koronavirusit, një kompani kishte larguar nga puna 14 punonjësit e saj.  Gjatë një kontrolli të policisë financiare në këtë punishte ndërtimi në Vjenë, të 14-të punëtoret ishin duke punuar, por tashme në të “zezën”. Zyrtarisht ata ishin ende të regjistruar si të papunë. Ky është vetëm një rast se si disa kompani abuzojnë në kohë krize, shkruajnë mediat austriake, përcjell Albinfo Austria.

Sindikata për të Drejtat e Punëtorëve ka marrë thirrje të shumta nga njerëz që dyshojnë se diçka nuk është në rregull me kompaninë e tyre.

Ministri i Financave Gernot Blümel e ka bërë të qartë disa javë më parë se nuk do të këtë tolerancë për mashtruesit që shfrytëzojnë fondin “Kurzarbeit”. Ai ka urdhëruar 350 policë financiar që të kontrollojnë të gjitha kompanitë të cilët kanë regjistruar punëtorët si të papunë. Deri më tash kanë aplikuar mbi 100 mijë firma në gjithë Austrinë, ndërsa kjo krizë ka prekur mbi 1.1 milion punëtorë. Shteti austriak për punëtorët e prekur ka ndarë një fond prej 6 miliardë euro.

Dënime të ashpra ndaj keqpërdoruesve

Kushto që përfiton nga shteti në këtë kohë krize, siç mund të janë: keqpërdorim të grandeve, regjistrim jo korrekt të punëtorëve, falsifikim të dokumenteve apo diçka tjetër, mundet të përballet me dënime të ashpra dhe burgim deri në pesë vjet, njoftojne mediat austriake, transmeton Albinfo Austria.

---