179 infektime të reja me Covid-19 në Zvicër

Zyra Federale e Shëndetit Publik (BAG) për ditën e djeshme kishte raportuar 143 raste të reja në infektimit ndërsa  pardje (e martë) ishin vetëm 100 sosh

Në Zvicër dhe Lihtenshtajn, gjatë 24 orëve të fundit janë raportuar si të prekur nga koronavirusi 179 persona. Kjo është dita e dytë me radhë që po shënohet një rritje relative në krahasim me një ditë më parë, shkruan srf.ch

Të kujtojmë: Zyra Federale e Shëndetit Publik (BAG) për ditën e djeshme kishte raportuar 143 raste të reja në infektimit ndërsa  pardje (e martë) ishin vetëm 100 sosh.

Sipas Zyrës Federale të Shëndetit Publik (BAG), të enjten ka pasur gjithsej 29.586 raste të konfirmuara nga laboratori, të njerëzve të infektuar me koronavirus, transmeton albinfo.ch. Numri i rasteve përjeton luhatje javore, duke shënuar numra më të ulët në fundjavë.

Ndërkaq, sipas agjencisë së lajmeve Keystone-SDA numri i vdekjeve të shkaktuara nga Covid-19 në të gjitha kantonet  është rritur për 27, duke u ngritur në 1.729 në mesditën e së enjtes.

Platforma ndërkombëtare worldometers.info jep shifrën prej 1716 të vdekurve dhe 23.100 të shëruarve deri më tani.

---