Qeveria kanadeze miraton testimin e një vaksine për Covid-19

Kryeministri kanadez, Justin Trudeau, ka thënë se qeveria e tij ka miratuar testimin e parë klinik në këtë shtet të një vaksine potenciale për koronavirus.

Ai para gazetarëve ka thënë se testimet do të bëhen në Qendrën kanadeze për Viksionologji në Universitetin Dalhousie.

Trudeau nuk ka bërë të ditur se kush po zhvillon vaksinën, mirëpo ka thënë se nëse të gjeturat do të rezultojnë të sukesesshme, Këshilli Kombëtar për Kërkime në Kanada do të ndihmojë në prodhim dhe shpërndarje.

Kanadaja deri më tani ka raportuar 75,000 raste të prekura me koronavirus dhe 5,595 viktima, përcjell Albinfo.ch.