Fluks i madh në destinacionet turistike të Zvicrës gjermane

Në festën e Rrëshajve të së enjtes, ka mbretëruar mot i mirë veror në të gjithë Zvicrën. Përveç kësaj, siç dihet, më 11 maj ka hyrë në fuqi lehtësimi i mëtejshëm i masave kundër pandemisë së koronavirusit

Në fillim të fundjavës me pushim të zgjatur për shkak të festës fetare të Rrshajëve, sot nuk ka pasur bllokim të trafikut në tunelin Gotthard , pikën që lidh me jugun e vendit dhe Italinë. Përveç që nuk ndodhi kjo, ka ndodhur diçka tjetër: një mbingarkesë e rrugëve në disa zona rekreative dhe malore në anën veriore të Alpeve, si në Berner Oberland, në Zvicrën qendrore dhe rreth Liqenit të Gjenevës, shkruan sda.ch

Në Zvicrën Qendrore, bllokimi i trafikut është regjistruar në disa seksione në rajonin rreth Liqenit të Lucernit si  në autostradën A4 midis Goldau SZ dhe Sisikon UR, transmeton albinfo.ch. Atyre që ua kishin mësyrë vendpikniqeve në disa raste u është dashur të prisnin deri në 45 minuta për të vazhduar rrugën. njofton TCS

Në kantonin e Glarus, policia ka mbyllur hyrjen në Klöntalersee sepse të gjitha vendet e parkimit në këtë rajon pikniqesh ishin zënë që në mesditë.

Rrugë të bllokuara dhe një “vërshim” automjetesh janë regjistruar gjithashtu në Brünig.

Në festën e Rrëshajve të së enjtes, ka mbretëruar mot i mirë veror në të gjithë Zvicrën. Përveç kësaj, siç dihet, më 11 maj ka hyrë në fuqi lehtësimi i mëtejshëm i masave kundër pandemisë së koronavirusit, shkruan albinfo.ch. Këtu hyn sidomos hapja e lokaleve hoteliere. Ndërsa fakti se dita e sotme ishte dita e parë e pushimit dhe me mot të mirë i ka kontribuuar dukshëm fluksit të pushuesve në rrugët e Zvicrës.

---