Rihapja e shkollave në Danimarkë nuk rriti numrin me koronavirus

Dërgimi i fëmijëve përsëri në shkolla dhe qendrat e kujdesit ditor në Danimarkë, vendi i parë në Evropë që e bëri këtë, nuk çoi në një rritje të infeksioneve me koronavirus, sipas të dhënave zyrtare.

Derisa vendet në gjithë Evropën bëjnë plane për të dalë nga muajt e bllokimit që synojnë të frenojnë shpërthimin e virusit, disa prindër shqetësohen se hapja e shkollave së pari mund të rrezikojë shëndetin e fëmijëve të tyre. Pas një mbyllje prej një muaji, Danimarka lejoi fëmijët nga dy deri në 12 vjet në përkujdesjen ditore dhe në shkolla ​​që nga 15 prilli.

Bazuar në të dhënat prej pesë javësh, autoritetet e shëndetësisë tani për herë të parë thonë se hapja e shkollave nuk e rriti numrin e infektimeve me virus. “Ju nuk mund të shihni ndonjë efekt negativ nga rihapja e shkollave”, tha Peter Andersen, mjek i epidemiologjisë dhe parandalimit të sëmundjeve infektive në Institutin danez Serum, për Reuters, përcjell tutje albinfo.ch.