5000 veta në Gjenevë demonstrojnë kundër racizmit

Pjesëmarrësit kryesisht të rinj, duke respektuar rregullat e mbrojtjes nga koronavirusi, janë mbledhur në grupe prej maksimalisht 300 personash

Në Gjenevë, në mbrëmjen e sontme rreth 5000 veta kanë mbajtur një tubim për të përkujtuar vdekjen e dhunshme të zezakut amerikan, George Floyd, të mbytur nga një polic, dy javë më parë, shkruan srf.ch.

Pjesëmarrësit kryesisht të rinj, duke respektuar rregullat e mbrojtjes nga koronavirusi, janë mbledhur në grupe prej maksimalisht 300 personash, transmeton albinfo.ch. Shumë prej tyre kanë vendosur msaska mbrojtëse në fytyrë, siç tregojnë imazhet në media.

Përveç përkujtimit, organizatorët thonë se ata janë gjithashtu kritikë ndaj racizmit të hapur dhe të fshehur, i cili, sipas tyre është duke ndodhur edhe në Zvicër. Ndërkohë, Floyd është varrosur në qytetin amerikan të Houston.

Tubimi në Gjenevë vjen pas aktivitetesh tjera të ngjashme që janë mbajtur nga fundjava në Cyrih, Basel, Bernë, Biel dhe Neuchâtel.

---