Kloten (ZH): Mësuesja me test pozitiv, 80 nxënës parashkollorë në karantinë

Që nga e mërkura në mbrëmje, 80 fëmijë janë karantinuar si rezultat i konstatimit të një infeksioni me Covid 19

Pai që një punonjëse e qendrës së kujdesit ditor dhe kopshtit që funksionon në ndërtesën e shkollës Dorf/Feld në Kloten të Cyrihut është testuar pozitivisht, kanë hyrë në karantinë 80 fëmijë të kopshtit. Kështu shkruan gazeta lokale  “Klotener Anzeiger” dhe transmetojnë mediat tjera zvicerane.

Që nga e mërkura në mbrëmje, 80 fëmijë janë karantinuar si rezultat i konstatimit të një infeksioni me Covid 19.

“Kjo masë është koordinuar me shërbimin mjekësor shkollor të kantonit”, thotë Elsbeth Fässler, shefi i arsimit dhe ndarjes së fëmijëve të qytetit të Kloten, transmeton albinfo.ch. Ajo nënvizon se deri më tani bëhet fjalë vetëm për një rast të izoluar.

Rreth 380 fëmijë gjithsej ndjekin mësimet në ndërtesën e shkollës Dorf/Feld. Përveç shkollës fillore, në të njëjtën ndërtesë janë të vendosur edhe tre kopshte parashkollore.

“Deri më tani nuk kemi asnjë indikacion se punonjës të tjerë ose fëmijë janë infektuar,” ka thënë Fässler më tutje, përcjell albinfo.ch. Karantina pritet të vazhdojë deri të enjten, 2 korrik.

---