Lajme

Merkel bën udhëtimin e parë jashtë shtetit që nga fillimi i pandemisë

E mërkurë, 8 Korrik 2020 - 18:05 albinfo.ch

Screenshot Videokonferenz

Kancelarja gjermane, Angela Merkel, ka mbërritur në Bruksel të mërkurën, në udhëtimin e saj të parë jashtë Gjermanisë që nga fillimi i pandemisë.

Merkeli është takuar me presidentin e Parlamentit Evropian, David Sassoli, teksa pritet që gjatë udhëtimit të saj ajo t’i paraqesë edhe prioritetet e Presidencës Gjermane, që nisi më 1 korrik.

“Jam e gëzuar që udhëtimi im i parë jashtë që nga pandemia po më dërgon në Bruksel dhe në Parlamentin Evropian”, ka thënë ajo.

“Njerëzit janë në ndikimin e kësaj pandemie, shumë njerëz kanë vdekur, ne po mendojmë rreth viktimave, por në të njëjtën kohë, po punojmë për të ardhmen”, ka thënë ajo, duke theksuar se Gjermania ishte e varur prej bashkëpunimit të ngushtë me Parlamentin gjatë presidencës së saj mbi BE-në, shkruan thelocal.de, përcjell albinfo.ch.