Franca rrit pagat e punëtorëve shëndetësorë

Keystone

Franca miratoi rritje të pagave  në vlerë prej 8 miliardë eurosh për punëtorët shëndetësorë, të cilët janë lavdëruar për rolin e tyre në luftimin e koronavirusit.

Marrëveshja u nënshkrua të hënën vonë midis qeverisë dhe sindikatave të punëtorëve, pas disa javësh negociata, përcjell albinfo.ch.

Ky vendim erdhi pas protestove të zhvilluara nga punëtorët shëndetësorë, të cilët kërkonin rritje pagash dhe fonde më të mira për spitalet.

Punëtorët shëndetësorë në Francë janë lavdëruar gjatë gjithë kohës së pandemisë së koronavirusit, me shfaqje të rregullta të vlerësimit të publikut.

“Ky është një moment historik për sistemin tonë shëndetësor”, tha kryeministri i Francës, Jean Castex, pas nënshkrimit të marrëveshjes për rritje pagash.

“Kjo është, para së gjithash, mirënjohje për ata që kanë qenë në vijën e parë të frontit kundër pandemisë”, shtoi ai.

Franca ka regjistruar mbi 200,000 raste me koronavirus.

Prej tyre, mbi 30,000 kanë humbur jetën.