Maqedoni e Veriut: Raportohen 151 shkelje gjatë zgjedhjeve

Keystone (AP Photo/Boris Grdanoski)

Ministri i Brendshëm i Maqedonisë së Veriut,  Naqe Çulev, ka deklaruar se gjatë ditës së sotme që nga hapja e vendvotimeve e deri në mbylljen e tyre,janë regjistruar 151 shkelje, 31 prej të cilave nuk janë konfirmuar.

“Procesi zgjedhor dhe masat e MPB-së, deri në ora 20:00 gjatë ditës, gjegjësisht nga hapja e vendvotimeve janë regjistruar 151 raste 31 prej të cilave nuk janë vërtetuar”, tha Naqe Çulev, përcjell albinfo.ch.

Maqedonia e Veriut ka mbajtur sot zgjedhjet e parakohshme parlamentare, edhe pse mbajtja e tyre u kritikua për shkak të numrit të lartë të rasteve pozitive me COVID-19, me të cilat po ballafaqohet vendi.

Deri në ora 19:00 kanë votuar 45.77 për qind e votuesve në këtë shtet.