142 infeksione të reja në Zvicër: Kaq shumë nuk ka pasur që nga 30 prilli

Ky numër është më i larti që nga 30 prilli, kur ishin raportuar 145 raste në një ditë për gjithë Zvicrën dhe lihtenshtajnin

Zyra Federale e Shëndetit Publik (BAG) ka njoftuar 142 infeksione të reja me kosonavirus për Zvicrën dhe Lihtenshtajnin. Ky numër është më i larti që nga 30 prilli, kur ishin raportuar 145 raste në një ditë për gjithë Zvicrën dhe lihtenshtajnin, shkruan sda.ch.

Pas një periudhe disaditëshe të rënies, numrat e infeksioneve sërish filluan të rriten të mërkurën, transmeton albinfo.ch. Të kujtojmë: 132 raste të reja të konfirmuara janë raportuar të mërkurën (dje), 70 të martën dhe 63 të dielën.

Mesatarja e tanishme 7-ditore është 91.6 infeksione të reja në ditë, që është 4 përqind më shumë infeksione të reja të raportuara sesa shtatë ditë më parë.

Gjatë gjithë kohës së pandemisë dhe deri më sot kanë qenë gjithsej 33,290 raste  me koronavirus  të konfirmuara nga laboratori. Deri më tani, janë raportuar 1688 vdekur të cilët më parë ishin testuar pozitivisht për Covid-19., përcjell albinfo.ch.  Në 100,000 banorë, kjo korrespondon me 19.7 viktima.

4,112 njerëz janë shtruar në spital që nga fillimi i pandemisë ose tetë më shumë se një ditë më parë. Deri më tani, numri i testeve të kryera ka arritur në 708.370. Rezultati ka qenë pozitiv në 5.6 pë rqind të këtyre testeve.

---