Zvicër: 43 raste me Covid-19 për një ditë, më pak se gjysma e një dite më parë

Të kujtojmë: 99 raste të reja të konfirmuara janë raportuar të dielën (dje), 110 të shtunën dhe 92 të premten

Në Zvicër dhe Lihtenshtajn, janë raportuar në Zyrën Federale të Shëndetit Publik (BAG) të hënën 43 infeksione të reja me koronavirus. Kjo shifër është më shumë se përgjysmë më e ulët se sa një ditë më parë, shkruan srf.ch.

Të kujtojmë: 99 raste të reja të konfirmuara janë raportuar të dielën (dje), 110 të shtunën dhe 92 të premten, transmeton albinfo.ch. Deri më tani në Zvicër kanë vdekur  1688 njerëz persona që ishin testuar pozitivisht për Covid-19.

Ky numër korrespondon me 19.7 viktima, llogaritur për 100.000 banorë. Gjithashtu deri më sot, ka pasur 33.634 raste të konfirmuara nga laboratori Covid-19, ka njoftouar të hënën BAG.

BAG u referohet raporteve që laboratorët dhe mjekët i kanë dorëzuar deri të hënën në mëngjes, si pjesë e detyrimit të raportimit, përcjell albinfo.ch. Gjithsej, 4126 persona janë dashur të shtrohen në spital që nga fillimi i pandemisë, dy më shumë se një ditë më parë.
Numri i testeve të kryera në Sars-CoV-2, që është agjenti shkaktar i Covid-19, deri më tani ka arritur në 728,292. Rezultati ishte pozitiv në 5.5 për qind të këtyre testeve.

---