Kompanitë ajrore në krizë, kërkojnë kredi në banka

Pandemia ka kushtëzuar ekonominë pothuajse në të gjitha sferat, e kësisoj kompanitë ajrore kanë pësuar shumë që nga fillimi i pandemisë nëpër botë.

Një ndër këto kompani është ajo braziliane Embraer, e cila potencoi të enjten se ka nënshkruar kontrata me pesë banka për kredi në shumën 300 milionë dollarë për të forcuar kapitalin e saj të punës.

Kreditë kanë kushte dy deri në katër vjet dhe pritet të përfundojnë deri në fund të korrikut, tha Embraer në një deklaratë të enjten.

Embraer tha se është ende duke vlerësuar fonde shtesë për të mbajtur një profil të borxhit afatgjatë në përputhje me ciklin e tij të biznesit, shkruan “Reuters”, përcjell albinfo.ch.