Zvicër: Disa vende të shkëlqyera noti për të larguar vapën e madhe 

(KEYSTONE/Laurent Gillieron).

Moti në fundjavë parashikohet të shkojë deri në 30 gradë në disa pjesë të Zvicrës. Liqenet dhe lumenjtë mahnitës të Zvicrës janë një shpëtim i përsosur nga temperaturat përvëluese.

Nga noti urban në qendër të qytetit të Gjenevës, Cyrihut ose Bernës, deri në plazhe me rërë dhe liqene dramatike Alpine.

Këtu është një listë e shkurtër e disa prej vendeve më të mira të notit në vend,shkruan thelocal, përcjellë albinfo.ch.

Liqeni Cauma (Graubünden)

Ky liqen  në kantonin e Graubünden është parajsë. Aty pranë është edhe liqeni Cresta që  gjithashtu është me të vërtetë i bukur. Ecja magjike midis dy liqeneve do t’ju marrë rreth një orë.

Greifensee (Cyrih)

E lehtë për tu arritur me transport publik nga Cyrihu, ky liqen i bukur është një rezervat natyror dhe vend noti  i mrekullueshëm. Parkimi është i kufizuar, kështu që shfrytëzoni sa më shumë trenat dhe autobusët. Nga stacioni i trenit Nänikon-Greifensee është vetëm disa minuta largë.

Pishina Marzili (Bernë)

Ky vend është klasik dhe asnjë vizitë në kryeqytetin e  Zvicrës gjatë verës nuk do të ishte e plotë pa një udhëtim këtu. Ka një pishinë për fëmijë dhe një pishinë xhiro për notarë profesionistë.

Bettmersee (Valais)

Për ata që kanë guxim dhe kanë shpirt avanturesk, nuk ka asgjë si noti në një liqen Alpin. Në rreth 2.000 metra mbi nivelin e detit, ujërat e Bettmersee janë gjallëruese. Ka edhe mundësi shëtitje me varkë dhe pedalo gjatë muajve të verës./albinfo.ch/