Erion Veliaj rezulton pozitiv me Covid-19

Kryetari i Bashkisë së Tiranës, Erion Veliaj, ka njoftuar përmes një postimi në Facebook se ka rezultuar pozitiv me Covid-19, shkruan albinfo.ch.

Ai ka thënë se aktualisht është në gjendje të mirë shëndetësore dhe është vetizoluar.

“Miq, pas testit më njoftuan se dola pozitiv nga Covid-19. Jam në gjendje të mirë shëndetësore, ashtu si edhe familja ime. Por, nga sot do të vazhdoj të punoj me të njëjtin përkushtim për Tiranën nga shtëpia”, ka shkruar Veliaj.

Ai ka bërë apel te qytetarët që t’i respektojnë masat, pasi sipas tij, askush nuk është imun ndaj virusit.

“Askush prej nesh nuk është imun ndaj këtij virusi, ndaj JU LUTEM ??❤️ mos harroni të lani duart sa më shpesh dhe mbani maskë për të mbrojtur sa më shumë veten dhe familjarët tuaj! Lus më të mirën për familjet tuaja! Shëndet e dashuri të gjithëve dhe mirënjohje e thellë mjekëve heronj! Do shihemi sërish!”, ka shtuar Veliaj.