Gjermania, vendi më i admiruar në botë

Gjermania ka rrëmbyer titullin e vendit më të admiruar në botë për të tretin vit me radhë, sipas një anketimi të ri Gallop

Gjermania u dallua nga vendet e tjera të anketuara me një vlerësim prej 44 përqind, 11 pikë përqindje përpara SHBA.

Gjermania vazhdimisht ka qëndruar mbi 40 përqind që nga viti 2008, me përjashtim të vitit 2018, kur u zhyt pak në 39 përqind.

Gjermania ka dalë në vendin e parë çdo vit gjatë administrimit të Donald Trump, përcjell albinfo.ch.

Në vitet kur Barack Obama ishte president, SHBA erdhën në vendin e parë si vendi më i admiruar në botë, me përjashtim të vitit 2011, kur mezi qëndroi pas Gjermanisë.

Pasi Trump u bë president në vitin 2016, megjithatë, vlerësimet e SHBA-së u zhytën në një nivel të ulët prej 30 përqind.

Redaktori i Përgjithshëm i Gallup, Mohamed Younis tha se vendet me udhëheqje më të fortë, më të parashikueshme, dalin më së miri në sondazh. “Kancelarja gjermane, Angela Merkel, e dashur ose e urryer, ka qenë një nga udhëheqësit më të parashikueshëm në periudha shumë të pasigurta në Evropë dhe rendin global,” tha ai.

Sipas një studimi të qershorit të realizuar nga ZDF ‘Politbarometer’, si Merkel ashtu edhe Partia e saj po shkojnë shumë mire, përcjell tutje albinfo.ch.

Gjermania është renditur e lartë edhe në sondazhet e tjera globale. Në vitin 2019, Raportet Botërore e renditën atë si vendi i katërt më i mirë në botë, për shkak të faktorëve të tillë, si cilësia e jetës, forca ekonomike dhe inovacioni.

 

---