220 infeksione të reja në Zvicër: Numri më i madh që nga 30 prilli

Kjo shifër është ndjeshëm më e lartë se ajo e ditës së djeshme, e mërkurë, kur ishin 193 raste të reja të konfirmuara

Zyra Federale e Shëndetit Publik (BAG) ka raportuar sot 220 infeksione të reja me virusin e koronës për Zvicrën dhe Lihtenshtajnin.

Kjo shifër është ndjeshëm më e lartë se ajo e ditës së djeshme, e mërkurë, kur ishin 193 raste të reja të konfirmuara, shkruan sda.ch. Ndërsa të martën kanë qenë 132, të hënën 65 dhe të dielën, 110.

Deri më sot janë regjistruar gjithsej 35.022 raste të konfirmuara laboratorike me Covid-19.

Mesatarja e infeksioneve të 7 ditëve të fundit është 126.4 raste ose 23 për qind më shumë se sa në javën e kaluar.

Deri më tani, 1704 njerëz kanë vdekur nga ata që janë testuar pozitivisht për Covid-19, një më shumë se një ditë më parë.

4312 persona janëm shtruar në spital që nga fillimi i pandemisë, 8 më shumë se një ditë më parë. 958 persona të infektuar janë izoluar në saje të përcjelljes së kontakteve, transmeton albinfo.ch. Ndërsa në karantinë kanë qemë 3096 njerëz për të cilët është konstatuar se kanë qenë në kontakt me të infektuarit.

Këto të dhëna vijnë nga 25 kantone të Zvicrës dhe Lihtenshtajni.

BAG njofton po ashtu se 8912 njerëz janë karantinuar pasi që janë kthyer nga një vend rreziku.

---