BAG: Zvicrën e ndajnë “vetëm disa orë” nga blerja e vaksinës

Drejtori i BAG, Pascal Strupler thotë se prodhuesi amerikan "Moderna" ka më së shumti gjasa të jetë kompania e parë që prodhon një vaksinë kundër virusit të koronës

Sipas Zyrës Feederale të Shëndetit Publik (BAG), Zvicra është fare afër që të lidhë një kontratë për blerjen e vaksinës.

Drejtori i BAG, Pascal Strupler thotë se prodhuesi amerikan “Moderna” ka më së shumti gjasa të jetë kompania e parë që prodhon një vaksinë kundër virusit të koronës.

Dhe, sipas Pascal Strupler, Zvicrën, të martën në mbrëmje, e ndanin “vetëm disa orë” nga blerja e  kësaj vaksine.

Këtë e ka thënë  Strupler në emisionin “Club” në televizionin zviceran SRF të martën në mbrëmje.

Nëse e siguron qasjen në vaksinë, është e gjithashtu e imagjinueshme që Zvicra të marrë pjesë edhe në testimet e vaksinave, është cituar të ketë thënë Struppler, transmeton albinfo.ch. Por ai nuk deshi të japë ndonjë informacion në lidhje me çmimin që Zvicra i ka garantuar me kontratë kompanisë Moderna për vaksinën.

---