SHKOLLA SHQIPE NË ZVICËR PO JU PRET!

@shkolla shqipe

Nesër, nxënësit në shumicën e kantoneve në Zvicër fillojnë Vitin e Ri shkollor 2020/21. Bashkë me ta edhe nxënësit e shkollës shqipe të kantonit të St. Gallen-it, Argau-t …, dhe një javë më vonë edhe të Kantonit të Cyrih-ut, fillojnë me mësimin në gjuhën shqipe. Jemi të bindur se ditët e pushimit kanë kaluar shumë shpejt, me gjithë ngarkesën psikologjike, që ju dhe familjet e juaja kanë pasur në këtë kohë pandemie. Shumë kush nga ju, nuk ka arritur t`i shijoj bukuritë e atdheut, këtë verë.

Por, megjithatë jemi të bindur se tani, jeni më me shumë forcë, se në Qershorin që e lamë pas. Bankat shkollore po ju presin dhe mësueset e mësuesit i kanë bërë të gjitha përgatitjet, që ju ta ndjeni veten si në vendlindje.

Mirë se vini!

Po, ju presin shkollat shqipe, në: Neuenhhof, Spreitenbach, Flums, Uster, Volketswil, Rüti, Fehraltorf, Schwerzenbach, Wald, Wetzikon, Fällanden, Mels, Sargans, Buchs, Sevelen, Rebstein, Ballgach, Heerburgg, Will, Wittenbach, Gossau, St. Gallen, Rorschach, Uznach, Rapperswil-Jona, Emmen, Kriens, Cyrih, Bern, Lozanë, Vevey, Schaffhausen, Frauenfeld, Meilen, Effretikon, Stäfa, Zollikon, Männedorf, Adliswil, Horgen. Wädenswil, Büllach, Oetwil am See, Schwerzenbach, Dübendorf, Seebach, Oerlikon, Rümlang, Bachenbüllach, Glattbrugg, Dietlikon, Brüttiselen, Kloten, Hinwill, Hohfuri, Hori, Basel, Lachen, Siebnen, Apenzell dhe dhjetëra shkolla të tjera.

Ne jemi aty ku janë fëmijët shqiptarë!

Do të vazhdojmë me shkronjat e shqipes, me mësimet nga gjuha, letërsia, gjeografia, historia dhe kultura shqiptare. E kemi thënë shumë herë se mësimet në gjuhën shqipe nuk përfundojnë kurrë, ashtu sikurse valët e detit që nuk përfundojnë asnjëherë.

Prandaj, me qëllim që ju të “notoni” sa më mirë në valët e jetës, duhet ta mësoni sa më mirë gjuhën amtare – gjuhën e nënës.

Mirë se vini!

Dr. Vaxhid Sejdiu

Tel. 076 321 26 94

E-Mail: Vaxhid_sejdiu@hotmail.com