Nuk doli aq keq, sa pritej: Pothuajse asnjë nxënës në karantinë

Vetëm kantoni Basel-Stadt ka raportuar dy raste në të cilat fëmijët u kthyen mbrapsht në shtëpi nga mësuesi

Ishte menduar se me fillimin e  vitit të ri shkollor, rreziku nga fëmijët që do të vinin të infektuar nga pushimet  ebüëra në vendet me rrezik, do të ishte i madh, shkruan blick.ch. Kjo frikë qe shtuar sidomos pasi qeveria federale kishte riaktualizuar listën e vendeve të rrezikut javën e kaluar, transmeton albinfo.ch.

Por rastet e karantinës, për fat të mirë, nuk ishin aq të shumta sa pritej.
Shkolla ka hapur dyert të hënën, në njëmbëdhjetë kantone të Zvicrës.  Siç është shkruar tashmë, shumë mësues dhe drejtues shkollash patën shfaqur frikën për numrin e mundshëm të madh të nxënësve që duheshin vendosur në klarantinë.

Në disa shkolla madje, drejtuesit ishin zotuar se do t`i ktheni  në shtëpi të gjithë ata nxënës që pushimet i kishin kaluar në vendet e Ballkanit, si shtete me rrezik më të lartë nga koronavirusi.

Por të mërkurën, kur tashmë kishte kaluar një gjysmë jave nga fillimi i vitit shkollor, kantonet kanë pasqyrën e qartë për gjendjen, përcjell albinfo.ch. Vetëm një numër shumë i vogël nxënësish u desh të vendosen në karantinë. Po ashtu edhe shkeljet e dyshuara të rregulloreve të BAG janë fare të rralla.
Vetëm kantoni Basel-Stadt ka raportuar dy raste në të cilat fëmijët u kthyen mbrapsht në shtëpi nga mësuesi.

Mënyra se si saktësisht autoritetet kantonale shëndetësore i mbledhin këto të dhëna ndryshon shumë nga kantoni në kanton. Kështu, disa kantone pothuajse nuk bien fare në kontakt me shkollat, kantone tëe tjerë regjistrojnë saktësisht informacionet e karantinës.

---