Balerina shqiptare debuton në kinematografi, pjesë e trilerit “Reverse”

Balerina shqiptare, Klaudia Pepa, e cila po njeh suksesin në Itali, debuton në kinematografi. Ajo do të jetë pjesë e filmit triler “Reverse”, i cili është projekti më i fundit nga Giuseppe Lepore, transmeton albinfo.ch.

Ajo së fundi ka zbuluar se ka realizuar më në fund ëndrrën e saj të madhe. Ajo do të jetë pjesë e një filmi, që titullohet “Reverse” dhe ka karakter triler ligjor. Ky film është projekti më i fundit nga Giuseppe Lepore për Bielle Re.

Vlen të cekët se skenari flet për një vrasës serial, që vret gjithmonë duke përdorur një thikë blu. Pas tij do të jetë një inspektor policie, i cili, i bindur se çmenduria e tij është e gjitha një trillim, duke e marrë në pyetje do të çojë në rrëfimin e kthjellët të vrasjeve të tij, shkruan revistawho.  Ky film do të jetë debutimi i balerinë shqiptare, Klaudia Pepa, në kinematografi. Ajo është shprehur mjaft e emocionuar dhe e lumtur në postimet e saj në rrjete sociale. Filmi do të nisë xhirimet ditën e sotme, duke ruajtur të gjitha masat e sigurisë për shkak të pandemisë. /Albinfo.ch