Lajme

Zvicra fut edhe Shqipërinë në listën e karantinës

Ndërkaq, Serbia dhe Singapori janë hequr nga lista, ku tani janë 53 nga 46 vende sa kanë qenë

E martë, 18 Gusht 2020 - 15:57 albinfo.ch

(KEYSTONE/Alexandra Wey)

Zyra Federale e Shëndetit Publik (BAG) ka bërë sot riaktualizimin e listës së karantinës gjegjësisht atë të vendeve me rrezik.

Në këtë listë tani BAG ka vendosur edhe Shqipërinë. Të kujtojmë: Shqipëria gjatë ishte i vetmi vend i Ballkanit Perëndimor jashtë kësaj liste deri më tani, shkruan albinfo.ch.

Po kështu në listën “e zezë” të Zvicrës tashmë kanë hyrë edhe ishujt Balearik, Belgjika, Malta dhe India, të cilësuara ndërkohë si zona me një rrezik të rritur të infeksionit.

Ndërkaq, Serbia dhe Singapori janë hequr nga lista.

Kushdo që hyn në Zvicër nga këto rajone duhet të karantinohet për dhjetë ditë. Ndryshimi do të hyjë në fuqi të enjten, 20 gusht 2020, ka njoftuar BAG të martën.

53 shtete dhe zona tani janë në listën e vendeve të rrezikut ndërsa më parë ishin 46, përcjell albinfo.ch.

Përveç destinacioneve të njohura të udhëtimit si SH.B.A, Meksika, Republika Dominikane dhe Afrika e Jugut, në këtë listë janë edhe disa vende të Evropës Lindore si Kosova, Mali i Zi, Maqedonia e Veriut dhe Bosnja dhe Hercegovina. Spanja kontinentale është shtua në listë në 8 gusht. Ishujt Kanarie nuk figurojnë në të.

Lista e plotë e “Karantinës”