Ahmeti: Kryeministër shqiptar për 30 ditë

“Jam shumë i bindur se ky koalicion, ky partneritet, edhe për katër vjet tjera do të jetë më i suksesshëm, deklaroi kryetari i BDI-së Ali Ahmeti, pas takimit të sotëm me liderin e LSDM-së Zoran Zaev, në të cilin ishte arritur marrëveshje për shumicë parlamentare dhe koalicion qeveritar në republikën e Maqedonisë së Veriut, raportojnë mediat nga Shkupi.

“Ideja ishte për afrim, porosi për ndërmarrje të përgjegjësisë nga shqiptarët për shtet të përbashkët. Duhet t’ia pranoj Zaevit për guximin dhe mirëpres se do të ketë kryeministër shqiptar në 100 ditët e fundit të kësaj Qeverie”, tha mes tjerash  Ahmeti, duke shtuar se ideja  ka qenë të afrohen  qytetarët dhe komunitetet, ndërsa jo të ndahen.

Lideri i LSDM-së Zoran Zaev sot bëri të ditur se është arritur marrëveshje për formimin e shumicës parlamentare, formimin e qeverisë së re dhe ndarje të ministrive me BDI-në.

Zaevi gjithashtu theksoi se marrëveshjen e tyre të sotme duhet ta konfirmojnë trupat më të lartë të partisë, sot dhe nesër.