Kosovë, vdes një tjetër doktor si pasojë e virusit Covid

Foto: SHSKUK

Është bërë e ditur se nefrologu Feti Hetemi ka ndërruar jetë në orët e para të mëngjesit si pasojë e koronavirusit.

Doktori nga Vitia ishte infektuar me COVID-19, me çfarë dhe e gjeti vdekjen. Kështu ka bërë të ditur një familjar i Hetemajt përmes një postimi në Facebook.

Varrimi i të ndjerit do të bëhet në orën 16:00 në varrezat e qytetit të Vitisë, duke respektuar masat e Institutit Kombëtar të Shëndetit Publik.

“Të nderuar familjarë, shokë dhe miq, me pikëllim të thellë ju njoftojmë se sot në orët e para të mëngjesit ka ndërruar jetë më i dashuri i ynë Dr.Feti Hetemi. Doki, edhe pse u sfidua në jetë nga shumë stuhi të natyrave të ndryshme dhe i përballoi ato kryelartë, sot ka humbur betejën me sëmundjen Covid-19. Ndjehemi të trishtuar nga kjo humbje, por më shumë se krenar që e patëm. Lamtumirë Dok, burrë fisnik që me shumë mund dhe sakrificë arrite në piedestalet e humanitetit dhe çështjes kombëtare, duke mos pushuar për asnjë moment me shpirtin tënd luftarak për të mposhtur padrejtësitë. Varrimi do të bëhet sot në ora 16:00 në varrezat e qytetit të Vitisë, duke i respektuar masat e IKSHPK-së”, ka shkruar Fatos Hetemi.