Së shpejti, fotot e dy aktivistëve shqiptarë në “Time Square” të Nju Jork-ut

Meritoni dhe Fjolla Rraci në sheshin “Times” në Nju Jork

Çdo vit “National Down Syndrome Society” i kujton botës se personat me sindromën Down janë pjesë e rëndësishme e shoqërisë, duke shfaqur imazhet e tyre në “Time Square”, transmeton albinfo.ch.

Është bërë e ditur se më 12 shtator një ndër fotot që do të shfaqen në këtë shesh është edhe fotoja e Meriton dhe Fjolla Rracit.

Fjolla Rraci, aktiviste për personat me nevoja të veçanta, në një intervistë tregon për lidhjen e fortë me personat me Sindromën Down, shfaqjen e fotos së Meritonit në “Time Square” dhe aktivitetin e saj në SHBA, transmeton tutje albinfo.ch.

Fjolla ka mbaruar studimet në Kosovë dhe prej më shumë se dy vjetësh jeton në SHBA, ku bën punë vullnetare dhe vazhdon trajnimet e ndryshme për personat me nevoja të veçanta. /Albinfo.ch

 

---