Nga Kosova përmes Cyrihut janë kthyer 5587 veta, aq sa dhe nga Spanja

Një numër saktësisht i njëjtë i të kthyerve sikurse ai nga Spanja - 5.887 persona - kanë ardhur në Kantonin e Cyrihut ose përmes Aeroportit të Cyrihut, nga Kosova

Personat që kthehen në Zvicër nga vendet me rrezik duhet të vendosen në karantinë. Shumica e udhëtarëve të prekur vijnë nga Spanja dhe vendet ballkanike. Ndërsa prej këtyre të fundit, më së shumti ka nga Kosova.

Një numër gjithashtu i madh i të kthyerve vijnë nga Brazili. Izraeli, Rumania, Serbia, Maqedonia e Veriut dhe Bosnjë dhe Hercegovina. Këto shtete,m pas Spanjës dhe Kosovës përbëjnë “top 10-ëshin”, shkruan blick.ch.

Kantoni i Cyrihut deri më tani ka regjistruar mbi 20,000 persona të kthyer nga vendet me rrezik.

Vlerësimi aktual i kantonit të Cyrihut (përfshirë edhe ata që udhëtojnë për në aeroportin e Cyrihut por janë nga kantonet tjera) tregon: Rreth një e katërta e të gjithë atyre që kthehen në vendet me rrezik vijnë nga Spanja, transmeton albinfo.ch. Ky destinacion shumë i preferuar i pushimeve është vendosur vetëm kohët e fundit në listën e karantinës.

Një numër saktësisht i njëjtë i të kthyerve – 5.887 persona, kanë ardhur në Kantonin e Cyrihut, (përfshirë edhe ata të kantoneve tjera që e kanë shfrytëzuar aeroportin e Cyrihut) edhe në nga Kosova.

Serbia ndjek Kosovën me një distancë të vogël prapa. Për Serbinë, siç dihet, detyrimi për karantinë është zbatuar vetëm deri më 19 gusht, përcjell albinfo.ch. Tani të ardhurit nga Serbia mund të hyjnë në Zvicër pa qenë e nevojshme të futen në karantinë.

Afërsisht nga 2000 njerëz kanë ardhur nga Bosnja dhe Hercegovina dhe Maqedonia e Veriut. Ato pasohen nga SHBA, Mali i Zi, Rumania, Brazili dhe Izraeli.

Tani, në Kantonin e Cyrihut janë 2,658 njerëz në karantinë. Kantoni kryen kontrolle të rregullta për të siguruar që karantina është duke u respektuar me të vërtetë.

 

---