Mungesa e vitaminave rrit rrezikun e infektimit me Covid

Studimi, i cili u botua nga Journal of the American Medical Association, shqyrtoi 489 pacientë në Universitetin e Çikagos, të cilët u testuan për koronavirus

Mungesa e vitaminës D rrit rrezikun e prekjes nga Covid – në fakt, kjo ju bën gati 80 për qind më shumë të predisponueshëm të dilni pozitiv për virusin, thuhet në një studim të publikuar së fundmi, përcjell albinfo.ch.

Studimi, i cili u botua nga Journal of the American Medical Association, shqyrtoi 489 pacientë në Universitetin e Çikagos, të cilët u testuan për koronavirus mes muajve mars dhe prill.

Rezultatet zbuluan se nga 60 për qind e pacientëve me nivele adekuate të vitaminës D, vetëm 12 për qind përfunduan të infektuar. Ndërsa nga 25 për qind të pacientëve me mungesë të vitaminës D, 22 për qind rezultuan pozitivë, që do të thotë se kishin 1.77 më shumë gjasa të kishin Covid (ose 77 për qind të shprehur në përqindje të plotë).

Gjetjet shtojnë një listë në rritje të hulumtimeve që kanë zbuluar se vitamina D është e dobishme në luftën kundër Covid-19.

---