Rritet numri i të infektuarve në Gjermani

Keystone

Instituti gjerman për sëmundje ngjitëse “Robert Koch” ka njoftuar se gjatë 24 orëve të kaluara në Gjermani janë shënuar 1,499 raste të reja të koronavirusit. Një ditë më parë u regjistruan 814 raste.

Kështu, numri i përgjithshëm i të prekurve shkoi në 252,298, shkruan “The Guardian”, përcjell Albinfo.ch.

Gjatë 24 orëve të kaluara u regjistruan edhe katër viktima të reja dhe numri i përgjithshëm i të vdekurve nga sëmundja e re shkoi në 9,329.

Gjermania është në mesin e shteteve me numrin më të lartë të të infektuarve në Evropë, por ka dukshëm më pak viktima se Britania e Madhe, Italia, Franca dhe Spanja.