Kosova

Sllovenia i dhuron Kosovës pajisje mjekësore

Ky donacion përbën 100 mijë maska kirurgjikale, 480 exocid, 1000 litër dezinfektues, si ndihmë në përmirësimin e furnizimeve në institucionet shëndetësore

E premte, 11 Shtator 2020 - 18:40 albinfo.ch

Ministri i shëndetësisë, i Kosovës, Armend Zemaj ka bërë të ditur se Sllovenia i ka dhuruar Kosovës një donacion ku përfshihen pajisje të ndryshme mjekësore.

Lajmin e ka publikuar ministri Zemaj në Facebook. Me këtë rast ai ka falënderuar shtetin slloven për ndihmën e vazhdueshme dhënë Kosovës.

Në vazhdim, postimi i ministrit Armend Zemaj në fb:

Donacioni i ardhur sot nga Sllovenia, është i radhës nga shtetet mike të Kosovës.

Ky donacion përbën 100 mijë maska kirurgjikale, 480 exocid, 1000 litër dezinfektues, si ndihmë në përmirësimin e furnizimeve në institucionet shëndetësore.

Kjo ndihmë nga shteti slloven dhe donacionet e tjera janë kruciale për shëndetësinë tonë.

Ne po bëjmë përpjekje që sipas kërkesave dhe dokumenteve tona strategjike të sigurohen donacione, financime projektesh në shëndetësi, pajisje mjekësore, pajisje mbrojtëse, barna, materiale shpenzuese.

Shpreha falënderimin tim dhe mirënjohjen për këtë donacion të rëndësishëm nga Sllovenia.

Pa ndihmën e Sllovenisë dhe donatorëve nga shtetet mike do ta kishim të vështirë të plotësonim nevojat e shëndetësisë sonë.

Të faleminderit Slloveni!