Danimarka dhe Norvegjia, ndër shtetet me menaxhimin më të mirë të Covid-19

Danimarka dhe Norvegjia, shtetet shembull për menaxhimit të mirë të Covid-19

Tashmë dihet se Danimarka ka qenë nga shtetet e para evropiane që kishte vendosur heqjen graduale të kufizimeve pas situatës me koronavirusin, duke iu kthyer thuajse komplet normalitetit në të gjitha fushat, transmeton albinfo.ch.

Qeveria daneze ka thënë se shteti ka reaguar shpejt ndaj situatës dhe, për këtë arsye, e keqja e madhe është parandaluar.

“Reagim i shpejtë kufizues tani na jep edhe mundësinë për të dalë nga kjo krizë më shpejt”, thuhet në njoftimin e Qeverisë së Danimarkës, transmeton albinfo.ch.

Deri tani në Danimarkë janë regjistruar 21,393 të prekur me Covid-19 dhe nga numri i përgjithshëm, janë shëruar 16,918 persona plotësisht.

Nga ana tjetër, Norvegjia po tregon edhe një model më të mirë të menaxhimit, duke pasur në total vetëm 12,644 raste që nga fillimi i pandemisë, transmeton tutje albinfo.ch.

Duhet theksuar se ky shtet regjistroi mbi 10 mijë të shëruar dhe tani ka 2 mijë raste pozitive. /Albinfo.ch

---